हुंकारभुता बोल काही
अळीमिळी सोडून देई
इतके सारे बोललो तरी
घरभर उरून राही –
कोरा कागद निळी शाई!कागदाच्या चल होड्या करू
तो बघ झाला पाऊस सुरू
दिवस गेला लिखा-पढी
सोड की रे अढी-बिढी –
चल आता मडके भरू!“कसली अढी कसले काय,
फक्त थोडा रुसलो हाय!”
सगळा धडा पाठ आहे
मान माझी ताठ आहे –
पण गाण्याचा शेवट नाय?“ताठ मान हवी खरी
पण आता पुरे तिरीमिरी
म्हणतो राती परतीन घरी
मानगुटीवर बसलेय गाणे -
गाण्याशिवाय भागणार नाय!"तेच तर!
हुंकारभुता गाऊ काही
अळीमिळी सोडून देई
नको कागद नको शाई
कोरा कागद निळी शाई?
नक्को कागद नक्को शाई!